Bjp । लोकसभा निवडणुकीपूर्वी (Lok Sabha Elections) उत्तर महाराष्ट्रात भाजपने काँग्रेसला मोठा धक्का दिला आहे. तीन वेळा आमदार आणि मंत्री राहिलेले काँग्रेस नेते पद्माकर वळवी यांनी भाजपमध्ये प्रवेश केला. काँग्रेस नेते राहुल गांधी यांची भारत जोडो, न्याय यात्रा महाराष्ट्रातील नंदुरबारमधून राज्यात दाखल होताच महाराष्ट्र काँग्रेसला मोठा धक्का बसला आहे. महाराष्ट्र काँग्रेसचे नेते आणि माजी आमदार पद्माकर वळवी यांनी भारतीय जनता पक्षात प्रवेश केला. आदिवासीबहुल या जिल्ह्यात पद्माकर वळवी यांची मजबूत पकड आहे. मंगळवारी पद्माकर यांनी मुंबईत बावन कुळे यांची भेट घेतली आणि बुधवारी भाजपमध्ये प्रवेश केला.
पद्माकर वळवी हे महाराष्ट्रातील नंदुरबार जिल्ह्यातून तीन वेळा काँग्रेसचे आमदार म्हणून निवडून आले आहेत. उत्तर महाराष्ट्रात त्यांचा मोठा प्रभाव आहे. यापूर्वीच्या काँग्रेस-राष्ट्रवादी सरकारमध्ये मंत्री होते. राहुल गांधी यांची भारत जोडो, न्याय यात्रा मंगळवारी नंदुरबार जिल्ह्यात पोहोचली. पद्माकर वळवी यांनी भाजपमध्ये प्रवेश केल्याने नंदुरबारमध्ये काँग्रेसला मोठा धक्का बसला आहे.
काँग्रेसचे अनेक नेते नाराज असल्याचा दावा महाराष्ट्र भाजप प्रदेशाध्यक्ष चंद्रशेखर बावनकुळे यांनी केला. लोकसभा निवडणुकीपर्यंत महाराष्ट्र काँग्रेस 50 टक्के रिकामी होईल. उद्धव ठाकरे यांचे पक्षनेते शिंदे शिवसेनेत प्रवेश करत आहेत. काँग्रेसचे नाराज नेते आता भाजपच्या वाटेला लागले आहेत. राहुल गांधी नंदुरबारला पोहोचले तेव्हा त्यांचे मोठे नेते पद्माकर वळवी यांनी आज भाजपमध्ये प्रवेश केला. राहुल गांधी मुंबईतील शिवाजी पार्कवर पोहोचतील तोपर्यंत काँग्रेसचे आणखी अनेक नेते भाजपमध्ये दाखल झालेले असतील. असा दावा केला जात आहे.
Nilesh Lanke । ब्रेकिंग! आमदार निलेश लंके आजच शरद पवार गटामध्ये प्रवेश करणार? मोठी माहिती समोर