Jaideep Apte arrested । छत्रपती शिवाजी महाराज (Chhatrapati Shivaji Maharaj) यांचा पुतळा कोसळण्याच्या प्रकरणात एक मोठी अपडेट समोर आली आहे. शिल्पकार जयदीप आपटे, ज्याने शिवरायांचा पुतळा तयार केला होता, त्याला कल्याण पोलिसांनी अटक केली आहे. जयदीप आपटे अंधाराचा फायदा घेत आपल्या पत्नी आणि आईला भेटण्यासाठी त्याच्या कल्याणच्या राहत्या घरी पोहोचला होता. परंतु, पोलिसांनी तत्परतेने कारवाई करून त्याला अटक केली.
Maharastra Rain । पावसाचा मोठा कहर! ‘या’ ठिकाणी जनजीवन झाले विस्कळीत; जनावरे वाहून गेली..
राजकोट किल्ल्यावर उभारण्यात आलेल्या छत्रपती शिवाजी महाराज यांच्या भव्य पुतळ्याचे लोकार्पण डिसेंबर 2023 मध्ये झाले होते. मात्र, 26 ऑगस्ट 2024 रोजी हा 35 फुटांचा पुतळा अचानक कोसळला, ज्यामुळे राज्यभरात संतापाची लाट उसळली. या घटनेनंतर मुख्यमंत्री एकनाथ शिंदे आणि पंतप्रधान नरेंद्र मोदी यांनी शिवरायांप्रति क्षमाप्रार्थना केली आणि या घटनेची सविस्तर चौकशी होईल अशी ग्वाही दिली.
Ajit Pawar | अजित पवारांच्या तब्येतीत बिघाड, डाॅक्टरांनी दिली मोठी अपडेट
जयदीप आपटे घटनेनंतर फरार होता, आणि पोलिसांनी त्याचा शोध घेण्यासाठी सात वेगवेगळी पथके तैनात केली होती. त्याच्या विरोधात लुकआऊट नोटीस जारी करण्यात आलेली होती. घटना घडल्यावर आपटेच्या कुटुंबियांनी शहापूरला पळ काढला होता, दुसऱ्या जयदीपच्या आई व पत्नी कल्याण येथील घरात आल्यावर पोलिसांनी त्यांच्या चौकशी केली होती. दरम्यान, आता जयदीप आपटेच्या अटकेमुळे या प्रकरणातील प्रश्नांची उत्तरं उलगडण्याची शक्यता आहे.
Sharad Pawar । राजकारणातून मोठी बातमी! शरद पवारांनी टाकला मोठा डाव?