लावणी कलाकार गौतमी पाटील मागील काही दिवसांपासून चर्चेत आहे. तिच्या लावणी करण्याच्या शैलीवरून तिला ट्रोल केले जात आहे. महिन्यांपूर्वी गौतमीचा सोशल मीडियावर व्हायरल झालेला व्हिडीओ आणि त्यानंतर तिच्याच कार्यक्रमादरम्याम एका तरुणाचा झालेला मृत्यू, यामुळे गौतमी पाटील (Gautami Patil) वादाच्या भोवऱ्यात अडकली होती. अजूनही तिच्यावर टीका करणे सुरूच आहे.
एकनाथ शिंदेंच्या सातारा दौऱ्यावरील संकट टळले; राजू शेट्टींनी घेतली नमती भूमिका
‘लावणीच्या नावावर गौतमी पाटील अश्लीलतेचे प्रदर्शन करते’ असा गंभीर आरोप तिच्यावर केला जातोय. या पार्श्वभूमीवर प्रसिद्ध लावणी सम्राज्ञी सुरेखा पुणेकर ( Surekha Punekar) यांनी माध्यमांशी बोलताना गौतमी पाटीलला चांगलेच धारेवर धरले. अंगविक्षेप करुन कला सादर करणाऱ्या लावणी साम्राज्ञीला लोक सोडणार नाहीत. ज्या लावणीसम्राज्ञीकडे कला आहे, तिला प्रोत्साहन दिले पाहिजे. अपुरे कपडे घालणे आणि अश्लील वर्तन करणे, स्टेजवर चुकीचे हावभाव करुन नाचणे याला लावणी म्हणत नाहीत. अशा स्पष्ट शब्दांत सुरेखा पुणेकर यांनी गौतमी पाटीलचा पाणउतारा केला आहे.
शरद पवारांना मोठा धक्का! ‘या’ जवळच्या नेत्याने सोडला पक्ष
इतकंच नाही तर लावणी कलेला योग्यरित्या सादर केले गेले पाहिजे. अन्यथा लोक महिलेला स्टेजवर जाऊन मारतील. जी कलाकार चांगली आहे, तिला तुम्ही नक्कीच डोक्यावर घ्या. पण अश्लील वर्तन करणाऱ्या, अपुरे कपडे घालणाऱ्या लावणी सम्राज्ञीला तुम्ही अजिबातच स्थान देऊ नका. नाहीतर महाराष्ट्राचा सुद्धा बिहार होईल, असेही सुरेखा पुणेकर म्हणाल्या आहेत.
आमदार शहाजीबापू यांच्याविषयी सोशल मीडियावर आक्षेपार्ह लिहिणाऱ्यांवर गुन्हा दाखल होणार