Accident News । नाशिक जिल्ह्यात रविवारी एक मोठी दुर्घटना घडली. येथे राज्य परिवहन बस आणि कार यांच्यात झालेल्या धडकेने लागलेल्या आगीत दोन जणांचा होरपळून मृत्यू झाला. याची माहिती मिळताच पोलिस पोहोचले आणि तपासाअंती त्यांनी सांगितले की, नाशिक-कळवण रस्त्यावर हा अपघात झाला तेव्हा कारमध्ये पाच जण प्रवास करत होते.
या धडकेमुळे बस आणि कारला आग लागल्याचे पोलिसांनी सांगितले. त्यामुळे कारमधील पाच प्रवाशांपैकी दोन जणांचा होरपळून मृत्यू झाला. या घटनेमुळे तेथील परिसरात एकच खळबळ उडाली. बसमधून प्रवास करणाऱ्या नागरिकांच्या मनात मोठी भीती निर्माण झाली. कारमध्ये प्रवास करणाऱ्या अन्य तीन जणांना पोलिस कर्मचाऱ्यांनी आणि इतरांनी सुखरूप बाहेर काढल्याचे त्यांनी सांगितले.
Viral News । Shadi.com वर भेटला, मुलीकडून कर्ज घेतले अन् पुढे घडले असे की.. घटना वाचून व्हाल थक्क
बसमधील सर्व प्रवासी सुरक्षित असल्याचे पोलीस अधिकाऱ्याने सांगितले. मात्र, कारमधील २ जणांचा मृत्यू झाला त्या मृतांची ओळख अद्याप पटलेली नाही. याप्रकरणी सध्या दिंडोरी पोलिस ठाण्यात गुन्हा दाखल करण्यात आला असून तपास सुरू आहे.
Pune News । खळबळजनक! पुणे जिल्ह्यात दुकानदाराची कोयत्याने निर्घृण हत्या