Accident News । छत्रपती संभाजीनगरमधील लिंबेजळगाव परिसरात, दहा वर्षांनंतर बाळाचं बारसं आटोपून पुण्याला परतताना एक भीषण अपघात घडला. स्कॉर्पिओच्या जोरदार धडकेत सहा महिन्यांच्या बाळासह चौघांचा मृत्यू झाला आहे. अपघातात मृत्युमुखी पडलेल्या व्यक्तींमध्ये बाळ अमोघ देसरकर, त्याची आई मृणाली देसरकर, आजी आशालता हरिहर पोपळघट आणि दुर्गा सागर गिते यांचा समावेश आहे.
Pune Crime । पुण्यात अजित पवार गटाच्या माजी नगरसेवकाचा पिस्तूल लोड करत गोळीबार!
अमरावतीतील अभियंता अजय देसरकर आपल्या कुटुंबियांसह पुण्याला जात होते. दहा वर्षांनी घरात बाळ जन्माला आल्याने ते बाळाचं बारसं करण्यासाठी एका खास आनंददायी क्षणाची तयारी करत होते. बारसं आटोपून परतताना, लिंबेजळगाव परिसरात त्यांच्या कारला स्कॉर्पिओने जोरदार धडक दिली. धडक इतकी भीषण होती की कारचे तुकडे झाले आणि एका कुटुंबाचे तीन सदस्य जागीच मृत्यूमुखी पडले.
Pune News । पुण्यात गणपती विसर्जनाच्या वेळी हृदयद्रावक घटना; बाप आणि मुलगा दोघेही बुडाले
या अपघातामुळे कुटुंबावर शोककळा पसरली आहे. प्राप्त माहितीनुसार, स्कॉर्पिओ चालक विशाल ज्ञानेश्वर चव्हाण मद्यधुंद अवस्थेत होता आणि त्याच्याकडे वाहन चालवण्याचा परवानाही नव्हता. त्याच्या सहकारी कृष्णा कारभारी केरेच्या नावावर असलेल्या वाहनामुळे अपघात घडला. अपघातानंतर स्कॉर्पिओतील चालक आणि एक अन्य प्रवासी गंभीर जखमी झाले आहेत.
टाटा पंचला टक्कर देण्यासाठी बाजारात MG Windsor EV लाँच!
पोलिसांनी अपघाताची नोंद घेतली असून स्कॉर्पिओ चालक विशाल आणि त्याचा सहकारी कृष्णा यांच्यावर सदोष मनुष्यवधाचा गुन्हा दाखल करण्यात आला आहे. ह्या अपघातामुळे परिसरात हळहळ व्यक्त केली जात असून, अपघाताचा तपास सुरू आहे.
Ajit Pawar । निवडणुकीच्या तोंडावर अजित पवारांना मोठा धक्का बसण्याची शक्यता