Ajit Pawar । सांगलीचे माजी भाजप खासदार संजयकाका पाटील आणि जिल्हाध्यक्ष निशिकांत भोसले पाटील यांनी आज अजित पवार यांच्या नेतृत्वाखालील राष्ट्रवादी काँग्रेसमध्ये प्रवेश केला. मुंबईत झालेल्या एका समारंभात राष्ट्रवादीचे राष्ट्रीय अध्यक्ष अजित पवार आणि प्रदेशाध्यक्ष सुनील तटकरे यांच्या उपस्थितीत त्यांचा पक्ष प्रवेश झाला. या दोन्ही नेत्यांच्या प्रवेशामुळे राष्ट्रवादी काँग्रेसला सांगलीत महत्त्वपूर्ण राजकीय बळ मिळाले आहे.
पक्षात प्रवेश करताच, राष्ट्रवादी काँग्रेसने तत्काळ त्यांची उमेदवारी जाहीर केली आहे. निशिकांत पाटील इस्लामपूरमधून आणि संजयकाका पाटील तासगाव विधानसभा मतदारसंघातून निवडणूक लढवणार आहेत. या निर्णयामुळे दोन्ही नेत्यांच्या स्थानिक लोकप्रियतेचा फायदा घेण्याचा राष्ट्रवादीचा प्रयत्न स्पष्ट आहे. या उमेदवारीतून त्यांनी आपले लक्ष्य प्रचंड मतदान मिळवण्यावर ठेवले आहे.
Sharad Pawar । बड्या नेत्याचे शरद पवारांबाबत मोठे विधान; राजकीय वर्तुळाचे चर्चांना उधाण
या घटनाक्रमामुळे सांगलीत राजकीय वातावरण चांगलेच रंगतदार होईल, कारण भाजपमधील या दोन्ही नेत्यांच्या प्रवेशाने विरोधी पक्षांना एक जबरदस्त प्रतिस्पर्धा मिळणार आहे. अजित पवार गटाने सांगलीमध्ये आपल्या उपस्थितीला अधिक बळकट करण्याचा हा एक महत्त्वाचा टप्पा ठरला आहे. आगामी निवडणुकांत या दोन नेत्यांच्या कामगिरीवर सर्वांचे लक्ष असेल.
Indapur News । इंदापूरच्या राजकारणाबाबत मोठी बातमी! तीन बडे नेते निवडणुकीच्या रिंगणात