Amravati Accident News । गावोगावी, तालुक्यांमध्ये, जिल्ह्यांमध्ये क्रिकेटच्या स्पर्धांचे सामने आयोजित केले जातात. क्रिकेट खेळण्यासाठी तरुण वर्ग मोठ्या संख्येने जातात. आपापल्या टीम घेऊन अनेक जण आपल्या गावातून दुसऱ्या गावात क्रिकेट खेळण्यासाठी जातात. सध्या देखील क्रिकेट मॅच खेळण्यासाठी 14 तरुण मिनी बस करून चालले होते मात्र त्यांच्यावर काळाने झडप घातली. त्यांच्या बसचा भीषण अपघात झाल्याची माहिती समोर आली आहे.
Manisha Kadane । धक्कादायक बातमी! लेखी परीक्षा पास फक्त ग्राऊंड राहिलेलं, पण घडलं वेगळंच…
सूत्रांनी दिलेल्या माहितीनुसार, अमरावतीमध्ये सिमेंट काँक्रीट मिक्सर आणि मिनी बसचा भीषण अपघात झाला आहे. या अपघातामध्ये ४ तरुणांचा मृत्यू झाला असून १० जण गंभीर जखमी झाले आहेत. अमरावतीतील नांदगाव खंडेश्वर रोडवर हा भीषण अपघात झाल्याची माहिती मिळत आहे. या अपघाताची माहिती मिळताच तेथील नागरिकांनी घटनास्थळी धाव घेतली आणि जखमींना खंडेश्वर येथील तालुका आरोग्य केंद्र येथे प्राथमिक उपचारासाठी दाखल करण्यात आले आहे.
Eknath Shinde । ब्रेकिंग! एकनाथ शिंदेंनी केला सर्वात मोठा गौप्यस्फोट
सध्या जखमींवर रुग्णालयामध्ये उपचार सुरू आहेत. यामधील काहींची प्रकृती गंभीर असल्याचे देखील बोलले जात आहे. हा अपघात एवढा भीषण होता की या अपघातामध्ये ४ जणांचा जागीच मृत्यू झाला आहे तर १० जण जखमी आहेत. यवतमाळ या ठिकाणी क्रिकेट मॅच खेळण्यासाठी 14 तरुण अमरावतीहून यवतमाळसाठी निघाले होते यावेळी वाटेतच हा अपघात झाला आहे.