Budget 2024 Live । केंद्रीय अर्थमंत्री निर्मला सीतारामन यांनी आज देशाचा अर्थसंकल्प जाहीर (Budget २०२४) केला आहे. यामध्ये त्यांनी विविध महत्त्वाच्या घोषणा जाहीर केल्या आहेत. अर्थमंत्र्यांच्या अर्थसंकल्पीय भाषणात म्हटले आहे की, विकास कार्यक्रमांतर्गत सर्वांसाठी घरे, प्रत्येक घराला पाणी, सर्वांसाठी वीज, सर्वांसाठी स्वयंपाकाचा गॅस आणि सर्वांसाठी बँक खात्यांचा लाभ विक्रमी वेळेत देण्यात आला आहे.
आर्थिक सेवांच्या माध्यमातून प्रत्येक कुटुंबाला आणि व्यक्तीला आर्थिकदृष्ट्या सक्षम बनविण्यावर भर देण्यात आला आहे. सरकारच्या उपलब्धींची नोंद करताना अर्थमंत्री म्हणाले की, हा अर्थसंकल्प भविष्यात विकसित भारताचा रोडमॅप बनवण्यासाठी देखील उपयुक्त ठरेल. निर्मला सीतारामन यांनी अर्थसंकल्पातील पहिली मोठी घोषणा केली आहे. नागरिकांच्या घराचं स्वप्न पूर्ण करण्याचं काम मोदी सरकार सुरुच ठेवणार आहे. येत्या पाच वर्षात आणखी २ कोटी घरे निर्मितीचे लक्ष्य ठेवण्यात आलं आहे.
CCTV Footage । माजी खासदाच्या कार अपघाताचा भयानक VIDEO आला समोर, भीषण अपघातात पत्नीचा मृत्यू
आयकर स्लॅबमध्ये कोणताही बदल नाही
सरकारने आयकर स्लॅबमध्ये कोणताही बदल केलेला नाही. म्हणजेच पूर्वी प्रचलित असलेला कर स्लॅब लागू राहील.
वंदे भारतला ४० हजार बोगी जोडण्यात येणार आहेत
रेल्वेसाठी घोषणा करताना अर्थमंत्री निर्मला सीतारामन म्हणाल्या की प्रवाशांच्या सुरक्षितता, सुविधा आणि सोईसाठी 40,000 सामान्य रेल्वे बोगी वंदे भारत मानकांमध्ये बदलल्या जातील.
स्किल इंडिया मिशनने १.४ कोटी तरुणांना प्रशिक्षण दिले: निर्मला सीतारामन
निर्मला सीतारामन म्हणाल्या की स्किल इंडिया मिशनने १.४ कोटी तरुणांना प्रशिक्षित केले आहे. 54 लाख तरुणांना प्रशिक्षित आणि पुन्हा कुशल बनवले आणि 3000 नवीन ITI स्थापन केले. मोठ्या प्रमाणात संस्थात्मक उच्च शिक्षण, 7 IIT, 16 IIIT, 7 IIM, 15 AIIMS आणि 390 विद्यापीठे स्थापन झाली आहेत.
अर्थमंत्र्यांनी करदात्यांना कोणताही दिलासा दिला नाही
अर्थमंत्री निर्मला सीतारामन यांनी देशातील सामान्य करदात्यांना कोणताही दिलासा दिला नाही आणि कर स्लॅब आणि कर प्रणालीमध्ये कोणतेही बदल केले नाहीत. याचा अर्थ तुम्ही ज्या दराने कर भरत आहात त्याच दराने तुम्हाला आयकर भरावा लागेल.