Dilip Walse Patil । सहकार मंत्री दिलीप वळसे पाटील यांनी मोतीबाग या ठिकाणी जाऊन शरद पवार यांची भेट घेतली आहे. त्यामुळे राज्याच्या राजकारणात चर्चांना उधान आले आहे. दिलीप वळसे पाटील हे सध्या राष्ट्रवादीतील अजित पवार (Ajit Pawar) गटात असून ते सरकारमध्ये सहकार मंत्री म्हणून काम करत आहेत. अजित पवार गटात असून देखील शरद पवारांची भेट घेतल्यामुळे अनेक तर्कवितर्क लावले जात आहेत. (Dilip Walse Patil meet sharad pawar)
Sharad Pawar । राजकीय घडामोडींना वेग! अजित पवार गटातील मंत्री शरद पवारांच्या भेटीला
दिलीप वळसे पाटील हे शरद पवारांचे अत्यंत निकटवर्ती म्हणून ओळखले जातात. दिवाळीनिमित्त शुभेच्छा देण्यासाठी दिलीप वळसे पाटील हे शरद पवार यांच्या मोतीबाग या ठिकाणी पोहोचले. वळसे पाटील यांनी शरद पवारांची भेट घेतली त्यानंतर त्यांनी माध्यमांशी संवाद साधला यावेळी त्यांनी बोलताना शरद पवारांसोबतच्या भेटीमुळे संभ्रम होण्याचे काहीच कारण नाही. ही पूर्वनियोजित भेट होती अशी प्रतिक्रिया माध्यमांना दिली आहे.
माध्यमांशी बोलताना दिलीप वळसे पाटील म्हणाले की, ही भेट पूर्वनियोजित असून रयत शिक्षण संस्थेचे अनेक पदाधिकारी देखील या भेटीसाठी उपस्थित होते. रयत शिक्षण संस्थेच्या निमित्ताने भेट झाली आहे. या भेटीमागं वेगळे कोणतेही कारण नाही. त्यामुळे कोणीही वेगळे तर्कवितर्क लावू नये. असे दिलीप वळसे पाटील म्हणाले आहेत.
Sharad Pawar । शरद पवारांच्या वकिलांचे अजित पवार गटावर खळबळजनक आरोप
मी अनेक संस्थांसाठी काम करत आहे. त्या संस्थांच्या कामासाठी शरद पवार यांचे मार्गदर्शन घेत असतो. त्यामुळे या भेटीमुळे संभ्रम होण्याचे काहीच कारण नाही असे देखील दिलीप वळसे पाटील म्हणाले आहेत. सहकारी संस्थांचे काही प्रश्न आहेत जे सोडवण्यासाठी त्याचबरोबर राज्यातील शेतकऱ्यांच्या दृष्टीने काही निर्णय घेण्यात आले ते शरद पवार यांच्या कानावर घातले असल्याचे दिलीप वळसे पाटलांनी सांगितले आहे.