Gautami Patil । गौतमी पाटील या नावाने संपूर्ण महाराष्ट्राला वेड लावले आहे. गौतमी पाटील च्या नावानेच कार्यक्रमांना प्रेक्षकांची तुफान गर्दी होते. गौतमी पाटीलच्या चाहत्यांमध्ये दिवसेंदिवस वाढ होत असल्याचे पाहायला मिळत आहे. आता हीच गौतमी तिच्या नव्या म्युझिक व्हिडिओमध्ये पोलीस अधिकारी बनली आहे. सप्तसूर म्युझिक च्या नव्या गाण्यात गौतमी झळकली असून या गाण्याचा म्युझिक व्हिडिओ सप्तसूर म्युझिक या यूट्यूब चॅनल वर लॉन्च करण्यात आला आहे.
‘इश्काचा मौका आणि झाला नजरेचा धोका… आता कसं व्हायचं पावन, चीझ मी लई कडक’ असे गौतमीच्या नव्या गाण्याचे बोल आहेत. प्रेक्षक तिच्या या नवीन गाण्याला देखील भरभरून प्रेम देत असल्याचे पाहायला मिळत आहे. तिच्या या गाण्यावर कमेंट करत अनेकांनी तिला मोठा प्रतिसाद दिला आहे.
सप्तसूर म्युझिकच्या साईनाथ राजाध्यक्ष आणि बीना राजाध्यक्ष यांनी ‘चीज लई कडक’ या म्युझिक व्हिडिओची निर्मिती केली असून विकी वाघ यांनी त्याचे गीत लेखन आणि संगीत दिग्दर्शन केले आहे. त्याचबरोबर वैशाली सामंतने हे गाणं गायलं आहे. त्याचबरोबर या गाण्यात गौतमी पाटीलसह कुणाल पाटील, कुणाल मासले, आदम शेख, मनोज कुंभार हे कलाकार सुद्धा झळकले आहेत.