सोलापूर : स्वातंत्र्याच्या अमृतमोहत्सवानिमित्त शब्दधन सोशल फाऊंडेशन,महाराष्ट्र राज्य व टेक महिंद्रा ,पुणे यांच्या संयुक्त विद्यमाने कु.मोनाली भोपते यांच्या प्रयत्नातून केत्त्तूर २ ,ता.करमाळा, जि.सोलापूर मधील नेताजी सुभाष माध्यमिक व उच्च माध्यमिक विद्यालयास दहा संगणक संच भेट देण्यात आला आहे.
कु.मोनाली भोपते यांनी त्यांचे मनोगत व्यक्त केले. यावेळी त्या म्हणाल्या, “सध्याच्या युगात संगणक हे विद्यार्थ्यांसाठी खूप महत्वाचे आहे. त्यामुळे विद्यार्थ्यांना शालेय स्तरावर योग्य पद्धतीने संगणक हाताळणी करता आली पाहिजे. संगणकाची प्राथमिक गरजच होती. डिजिटल इंडियाच्या स्वप्नपूर्तीसाठी खारीचा वाटा उचलला आहे.”
Electricity price hike : 13 राज्यांना बसणार वीज दरवाढीचा फटका ; वाचा सविस्तर
संगणक लॅब चे उद्घाटन प्राचार्य प्रा.तुकाराम जगताप ( विशेष कार्यकारी अधिकारी,शब्दधन सोशल फाऊंडेशन), प्रा.मनोज वाबळे (अध्यक्ष, शब्दधन सोशल फाऊंडेशन ), कु.मोनाली भोपते (संगणक अभियंता, टेक महिंद्रा),मुख्याध्यापक प्राचार्य मुलाणी सर, यांच्या हस्ते करण्यात आले. यावेळी श्री. विलासतात्या कोकणे (सरपंच- केत्तूर), श्री. प्रशांत नवले (उपसरपंच केत्तूर), श्री.राजेन्द्रसिंह पाटील (अध्यक्ष- शाळा व्यवस्थापन समिती नेताजी सुभाष विद्यालय केत्तूर-2),माजी सरपंच उदयसिंह मोरे पाटील, अॅव्होकेट अजित विघ्ने, पोमलवाडी चे माजी सरपंच संग्राम पाटील शिक्षक,माजी विद्यार्थी उपस्थित होते. त्याचबरोबर कार्यक्रमाचे आभार प्रा.रामचंद्र मदने यांनी केले. संगणकाचे महत्व व विद्यार्थ्यांना प्रेरणा मदने सरांनी दिली.कार्यक्रमाचे सूत्रसंचालन प्रा.किशोर जाधव यांनी केले.