IPL 2024 । २२ मार्चपासून आयपीएलच्या (IPL) सतराव्या हंगामाला सुरुवात होणार आहे. पहिला सामना हा चेन्नई सुपर किंग्ज आणि रॉयल चॅलेंजर्स बंगळुरू (Chennai Super Kings vs Royal Challengers Bangalore) या संघात होणार आहे. कॉमेंट्री पॅनलमध्ये माजी क्रिकेटपटू सुनील गावसकर, हरभजन सिंग अशा अनेक दिग्गजांच्या नावांचा समावेश आहे. पण या आयपीएलवर टांगती तलवार आहे. कारण नुकत्याच लोकसभेच्या निवडणुका (Lok Sabha elections) जाहीर केल्या आहेत. (Latest marathi news)
यंदाची आयपीएल ही 2 टप्पात खेळवली जाणार आहे, त्यातील पहिला टप्पा हा 7 एप्रिलपर्यंत खेळला जाणार आहे. तर आयपीएल 2024 चा दुसरा टप्पा संयुक्त अरब अमिराती (UAE) मध्ये खेळवला जाण्याची शक्यता वर्तवली जात आहे. दरम्यान,आयपीएलचे सामने दुबईमध्ये हलवायचे की नाही याचा निर्णय बोर्ड घेणार आहेत. सध्या UAEमध्ये बीसीसीआयचे काही अधिकारी आहेत. काही संघांनी त्यांच्या खेळाडूंकडून पासपोर्ट मागितले अशी बातमी आहे.
दरम्यान, सार्वत्रिक निवडणुकांमुळे 2014 साली सुरूवातीचे सामने संयुक्त अरब अमिरातीमध्ये आयोजित करण्यात आले होते. कोविडमुळे 2020 मध्येही आयपीएलचा संपूर्ण हंगाम भारतात न होता संयुक्त अरब अमिरातीमध्ये खेळवण्यात आला होता. आताही लोकसभा निवडणुकांमुळे हे सामने संयुक्त अरब अमिरातीमध्ये होण्याची शक्यता आहे.
Lok Sabha Election । सावधान! दोन वेळा मतदान केले तर… निवडणूक आयोगाने दिला गंभीर इशारा