Kolhapur Bus Accident । सध्या कोल्हापूर मधून अपघाताची एक धक्कादायक घटना समोर आली आहे. कोल्हापुरात आज मध्यरात्रीच्या सुमारास भीषण अपघात झाला असून एकाच कुटुंबातील तीन जणांचा मृत्यू झाला आहे. यामुळे सगळीकडे हळहळ व्यक्त केली जात आहे. गोव्याहून मुंबईला जाणारी खाजगी बस (Private bus from Goa to Mumbai Accident) कोल्हापूर शहराजवळ राधानगरी मार्गावर पुईखडीजवळ उलटल्याने हा भीषण अपघात झाला आहे. (Kolhapur Bus Accident )
Pune Crime । धक्कादायक! झोपमोड केल्याने भाडेकरुने केली घरमालकाची हत्या
हा अपघात एवढा भीषण होता की, या अपघातामध्ये पुण्यामधील मांजरी बुद्रुक या ठिकाणच्या एकाच कुटुंबातील तीन जणांचा मृत्यू झाला आहे. त्याचबरोबर यामध्ये चार जण जखमी झाले आहेत. बस खाली अडकल्यामुळे तिघांचा जागीच मृत्यू झाला आहे. बस मध्ये एकूण 25 प्रवासी प्रवास करत होते. अशी माहिती सूत्रांनी दिली आहे.
मिळालेल्या माहितीनुसार, खाजगी कंपनीची ट्रॅव्हल्स बस गोव्याहून मुंबईला चालली होती. दरम्यान आज पहाटे दोनच्या सुमारास हीच बस कोल्हापूर शहरानजीक पुईखडीला भरधाव वेगात असताना पलटी झाली. या अपघाताची माहिती मिळताच कोल्हापूर मनपाचे अग्निशमन दल आणि पोलीस घटनास्थळी दाखल झाले. यानंतर बचाव कार्य राबवून जखमींना तातडीने उपचारासाठी रुग्णालयात पाठवण्यात आले. सध्या जखमींवर रुग्णालयामध्ये उपचार सुरू आहेत.
Virat Kohli Retirement । विराट कोहलीच्या निवृत्तीबाबत भविष्यवाणी! व्हायरल पोस्टवरून चर्चा