Milind Deora । शिवसेनेतील शिंदे गटाने (Shinde group) मिलिंद देवरा यांना राज्यसभेचे उमेदवार करण्याचा निर्णय घेतला आहे. देवरा गुरुवारी उमेदवारी अर्ज दाखल करू शकतात. त्यांनी नुकताच काँग्रेसचा राजीनामा देऊन शिंदे गटात प्रवेश केला होता. देवरा लोकसभा निवडणूक लढवतील अशी अटकळ बांधली जात होती, दरम्यान पक्षाने त्यांना राज्यसभेचे उमेदवार केले आहे. राज्यसभेच्या 56 जागांसाठी 27 फेब्रुवारीला निवडणूक होणार असून उमेदवारी अर्ज भरण्याची शेवटची तारीख 15 फेब्रुवारी आहे.
Ajit Gopchade । भाजपकडून राज्यसभेचे तिकीट मिळवणारे अजित गोपछडे नेमके कोण आहेत?
काँग्रेस सोडून भाजपमध्ये दाखल झालेले अशोक चव्हाण, मेधा कुलकर्णी आणि अजित गोपछडे यांना भाजपने राज्यसभेसाठी उमेदवारी दिली आहे. काँग्रेसने दलित नेते चंद्रकांत हंडोरे यांना उमेदवारी जाहीर केली आहे. तर शरद पवार गटातील राष्ट्रवादी काँग्रेस आणि उद्धव ठाकरे गटातील शिवसेनेने अद्याप उमेदवार जाहीर केलेले नाहीत.
Rajya sabha election 2024 । ‘या’ माजी महिला आमदाराला भाजपने दिली राज्यसभेची उमेदवारी
शिवसेना आणि राष्ट्रवादी काँग्रेसमध्ये फूट पडल्यानंतर महाराष्ट्रात पहिल्यांदाच राज्यसभेची निवडणूक होत आहे, त्यामुळे निकाल खूपच रंजक ठरू शकतो. नुकतेच माजी मुख्यमंत्री अशोक चव्हाण आणि बाबा सिद्दीकी यांनी काँग्रेसचा राजीनामा दिला. चव्हाण यांच्यासोबत काँग्रेसचे अनेक आमदार असल्याचा दावा केला जात आहे.