Mumbai hit and run case । देशाची आर्थिक राजधानी मुंबईत हिट अँड रन प्रकरणे थांबण्याची चिन्हे दिसत नाहीत. नवीन प्रकरण आता वर्सोवा बीचचे आहे. येथे कारमधील दोन तरुणांनी बेधडकपणे गाडी चालवत जमिनीवर झोपलेल्या दोघांना चिरडले. या घटनेत एकाचा जागीच मृत्यू झाला, तर एक जण गंभीर जखमी झाला. ही घटना सोमवारी पहाटे साडेपाचच्या सुमारास घडली. माहिती मिळताच पोलिसांनी घटनास्थळ गाठून दोन्ही आरोपींना अटक केली आहे.
यातील एका आरोपीची ओळख बॉलिवूड कोरिओग्राफर शुभम डोंगरे अशी आहे. तो मुंबईचा रहिवासी आहे. तर त्याचा साथीदार निखिल जावडे हा नागपूरचा रहिवासी आहे. पोलिसांनी आवश्यक चौकशी केल्यानंतर या दोन्ही आरोपींना न्यायालयात हजर केले, तेथून पुढील चौकशीसाठी त्यांना ५ दिवसांची पोलीस कोठडी सुनावली आहे. पोलिसांनी आरोपींची कार जप्त केली असून त्यांच्या रक्ताचे नमुने फॉरेन्सिक लॅबमध्ये तपासणीसाठी पाठवले आहेत.
दोन्ही आरोपी दारूच्या नशेत होते
अपघाताच्या वेळी दोन्ही आरोपी दारूच्या नशेत होते, असे सांगण्यात येत आहे. पोलिसांनी दोघांवरही हत्या, निष्काळजीपणे वाहन चालवणे आणि मद्यपान करून वाहन चालवणे या कलमांखाली गुन्हा दाखल केला आहे. मुंबई पोलिसांनी दिलेल्या माहितीनुसार, रिक्षाचालक गणेश असे मृताचे नाव आहे. अपघात झाला त्यावेळी गणेश आणि त्याचा साथीदार बारसोवा बीचवर झोपले होते.
Microsoft Paint 3D । मायक्रोसॉफ्टचा धक्कादायक निर्णय, या दिवसापासून पेंट 3D ॲप बंद होणार