मुळशी पॅटर्न ( Mulshi Pattern) हा मराठी चित्रपट प्रेक्षकांनी अगदी डोक्यावर घेतला होता. यामधील गाण्यांवर आजही लोक थिरकतात. चित्रपटामधील काही डायलॉग तर नेहमी कानावर पडतात. या चित्रपटाचा दुसरा भाग लवकरच येत असल्याची घोषणा दिग्दर्शक प्रवीण तरडे ( Pravin Tarde) यांनी नुकतीच केली आहे. ‘महाराष्ट्र किंग आणि क्वीन काँटेस्ट 2023’ या कार्यक्रमावेळी त्यांनी ही घोषणा केली आहे. इतकंच नाही तर ‘धर्मवीर’ या चित्रपटाचा दुसरा भाग सुद्धा लवकरच प्रेक्षकांच्या भेटीला येणार असल्याचे त्यांनी सांगितले आहे.
इंदुरीकर महाराजांच्या सासूचा भाजपमध्ये प्रवेश; काँग्रेसच्या ‘या’ नेत्याला मोठा धक्का!
मुळशी पॅटर्न या चित्रपटामध्ये भूमीहीन झालेल्या शेतकऱ्यांची व्यथा मांडली होती. उद्योगधंद्यासाठी शेतकऱ्यांच्या जमिनी कशा ओरबाडून घेतल्या गेल्या याचे विदारक चित्र यामध्ये मांडले होते. गुन्हेगारी विश्वाचं नेमकं व अचूक चित्रण या चित्रपटात करण्यात आलं होतं. यामुळे या चित्रपटाला प्रेक्षकांनी भरभरून प्रतिसाद दिला. येणाऱ्या अगामी मुळशी पॅटर्न 2 मध्ये देखील असंच काहीसं अफलातून असण्याची शक्यता आहे.
पुण्यात आजपासून महाराष्ट्र केसरी स्पर्धेचा थरार; विजेत्याला मिळणार महिंद्रा थार!
यामुळे या चित्रपटाच्या दुसऱ्या भागात नक्की काय असणार ? याबाबत प्रेक्षकांमध्ये उत्सुकता आहे. दरम्यान ‘महाराष्ट्र किंग आणि क्वीन काँटेस्ट 2023’ च्या कार्यक्रमात चित्रपटाच्या दुसऱ्या भागाची घोषणा करते वेळी पुण्याचे पालकमंत्री चंद्रकांत पाटील, अमृता फडणवीस व बॉलिवूड अभिनेता जॉकी श्रॉफ हे उपस्थित होते.
पुण्यात आजपासून महाराष्ट्र केसरी स्पर्धेचा थरार; विजेत्याला मिळणार महिंद्रा थार!