Pune Porsche Car Accident । पुणे येथे 19 मे रोजी झालेल्या भीषण रस्ता अपघातात दोघांचा मृत्यू झाला. या प्रकरणात महाराष्ट्र पोलीस रोज नवनवीन खुलासे करत आहेत. तपासात सहभागी असलेल्या पोलिस पथकाने अल्पवयीन आरोपीच्या रक्ताचे नमुने बदलल्याप्रकरणी दोन डॉक्टर आणि एका पोलिस कॉन्स्टेबलला अटक केली आहे. यापैकी एका डॉक्टरने तपासादरम्यान रक्ताचे नमुने बदलल्याची कबुली पोलिसांना दिली आहे.
याप्रकरणी पोलिसांनी सांगितले की, १९ मे रोजी सकाळी ससून रुग्णालयात घेतलेल्या अल्पवयीन मुलाचे रक्ताचे नमुने डस्टबिनमध्ये टाकण्यात आले होते. अल्पवयीन मुलाऐवजी दुसऱ्या व्यक्तीच्या रक्ताचे नमुने घेऊन फॉरेन्सिक लॅबमध्ये तपासणीसाठी पाठवण्यात आले होते, असे पोलिसांनी दिलेल्या माहितीनुसार, डॉ. श्रीहरी हर्लोर यांनीच अल्पवयीन मुलाच्या चाचणीचा नमुना बदलला होता.
डॉ.श्रीहरी हर्लोर यांच्या म्हणण्यानुसार डॉ.अजय तवरे यांनी त्यांच्यावर रक्ताचा नमुना बदलण्यासाठी दबाव टाकला होता. याची त्यांना जाणीव होती. पण इच्छा नसतानाही त्यांना ते करावे लागले. हर्लोरला आपली चूक कळली आणि त्यांनी चूक केल्याचे सांगितले.