Rajesh Tope Car Attacked । मागच्या काही दिवसांपासून मंत्र्यांवर हल्ले व्हायचे प्रमाण हे वाढतच चालले आहे. मंत्र्यांच्या गाड्यावर हल्ले होणे, त्याचबरोबर मंत्र्यांच्या तोंडाला काळे फासण्याचे प्रकार देखील दिवसेंदिवस वाढत चालले आहेत. दरम्यान सध्या देखील माजी मंत्री आणि राष्ट्रवादी काँग्रेसचे आमदार राजेश टोपे यांच्या गाडीवर हल्ला झाल्याची घटना समोर आली आहे. यामुळे सगळीकडे एकच खळबळ उडाली आहे.
ही घटना आज शनिवारी घडली असून पाच ते सहा जण दुचाकीवरून आले आणि हल्लेखोरांनी लाठ्या आणि दगडफेक केली त्याचबरोबर काळ फासण्याचा देखील प्रयत्न केला असल्याची माहिती मिळत आहे. आता या घटनेबाबत अधिकचा तपास पोलीस यंत्रणा करत आहे.
माहितीनुसार, जालना जिल्हा मध्यवर्ती बँकेच्या संचालक आणि उपसंचालकपदाची निवड होती. ही निवड बिनविरोध झाली होती. मात्र अज्ञातांनी राजेश टोपे यांच्या कारवर हल्ला केला. हल्ला झाला त्यावेळी कारमध्ये राजेश टोपे यांचा चालक होता. राजेश टोपे हे निवडणूक प्रक्रियेसाठी बँकेत गेले होते. त्यामुळे मोठा अनर्थ टळला. मात्र यामध्ये कारचे मोठे नुकसान झाले आहे. हल्ल्यादरम्यान कारवर शाई, दगड फेकण्यात आले.