Ruturaj Gaikwad । चेन्नई सुपर किंग्ससाठी (CSK) यंदाचा आयपीएल हंगाम काहीसा कठीण ठरत आहे. संघाचा युवा कर्णधार ऋतुराज गायकवाड दुखापतीमुळे स्पर्धेच्या उर्वरित सामन्यांपासून बाहेर पडला आहे. राजस्थान रॉयल्सविरुद्ध 30 मार्च रोजी झालेल्या सामन्यात तुषार देशपांडेच्या एका चेंडूवर बचाव करताना त्याच्या कोपराला गंभीर दुखापत झाली. या दुखापतीनंतर त्याला स्पर्धा अर्धवट सोडावी लागली.
Supriya Sule । सुप्रिया सुळे यांचे आंदोलन, दुरुस्तीसाठी रस्त्याच्या क्राँक्रिटीकरणाची मागणी
दुखापतीनंतर पहिल्यांदाच ऋतुराजने आपल्या भावना व्यक्त करत एक व्हिडीओ संदेश दिला आहे. चेन्नई सुपर किंग्सच्या अधिकृत एक्स (पूर्वीचे ट्विटर) हँडलवरून हा व्हिडीओ पोस्ट करण्यात आला आहे. त्यामध्ये ऋतुराज म्हणतो, “माझ्या कोपराला झालेल्या दुखापतीमुळे मला यंदाच्या आयपीएलमधील उर्वरित सामन्यांना मुकावं लागणार आहे, ही गोष्ट खूपच दुर्दैवी आहे. मला याचा खूप वाईट वाटतंय, पण तुमच्या पाठिंब्याबद्दल मनापासून आभार.”
पुढे बोलताना त्याने संघाबद्दल आशा व्यक्त केली आणि एका तरुण यष्टीरक्षकावर विश्वास दाखवला. तो म्हणाला, “संघ काही सामन्यांमध्ये संघर्ष करत आहे, हे खरं आहे. पण आता एका तरुण यष्टीरक्षकाच्या खांद्यावर नेतृत्वाची जबाबदारी आहे. मला विश्वास आहे की तो ही जबाबदारी उत्तम पार पाडेल. मी डगआउटमध्ये संघासोबत असेन आणि त्यांना पूर्ण पाठिंबा देईन.”
Eknath Shinde । “एकनाथ शिंदे हेच जनतेच्या ह्रदयातील मुख्यमंत्री” शिंदे गटाच्या नेत्याचं मोठं वक्तव्य
चेन्नई सुपर किंग्सने हंगामाची सुरुवात चांगली केली होती, पण त्यानंतर सलग चार पराभवांमुळे संघ प्लेऑफच्या समीकरणात अडकला आहे. आता उर्वरित 9 पैकी किमान 7 सामने जिंकणे आवश्यक आहे. अन्यथा, प्लेऑफसाठी नेट रनरेटचा आधार घ्यावा लागणार आहे.
Ajit Pawar । अजित पवारांचा छत्रपती साखर कारखान्याच्या संचालकांना इशारा! म्हणाले…