Car Accident । समृद्धी महामार्ग (Samruddhi Mahamarg) हा जणू मृत्यूचा सापळा बनला आहे. कारण हा महामार्ग तयार झाल्यापासून दररोज त्यावर कित्येक अपघात होत आहेत. महामार्गावर झालेल्या अपघातात अनेक निष्पाप लोकांना आपला जीव गमवावा लागला आहे. सध्याही याच महामार्गावर एका अपघाताची माहिती समोर येत आहे. गाडीवरील नियंत्रण सुटून हा अपघात झाला आहे. (Samruddhi Mahamarg Car Accident)
मुंबई-नागपूर समृद्धी महामार्गावर स्कॉर्पिओ कारचा भीषण अपघात झाला आहे. यात कारमधील २ जण जागीच ठार, तर ३ जण गंभीर जखमी झाले आहेत. महामार्गावरील साईड बॅरियरला तोडून कार पलटी झाली आणि भीषण अपघात झाला. (Accident on Samruddhi Mahamarg) ही कार छत्रपती संभाजीनगरहून नाशिककडे येत होती. कारमधील सर्व प्रवासी छत्रपती संभाजीनगरच्या करवड गावचे रहिवासी होते.
या अपघाताची माहिती मिळताच पोलीस तातडीने घटनास्थळी दाखल झाले. अपघातामुळे काही वेळ महामार्गावर गर्दी झाली होती. पोलिसांनी तातडीने जखमींना दवाखान्यात उपचारासाठी दाखल केले. ही धडक इतकी जोरात होती की यात कारचे खूप नुकसान झाले आहे. अपघातामुळे परिसरात हळहळ व्यक्त केली जात आहे.