Sunetra Pawar । आगामी लोकसभा निवडणुकीत महाराष्ट्रातील बारामती मतदारसंघावर रंजक लढत पाहायला मिळणार आहे. उपमुख्यमंत्री अजित पवार त्यांच्या पत्नी सुनेत्रा पवार यांना बारामती लोकसभा मतदारसंघातून उमेदवारी मिळू शकते. शरद पवार यांच्या कन्या सुप्रिया सुळे या सध्या बारामतीच्या खासदार आहेत. सुळे या अजित पवार यांच्या चुलत बहिण आहेत.
Sharad Pawar । ब्रेकिंग! निवडणूक आयोगाने दिलेल्या निर्णयाविरोधात शरद पवार यांनी घेतला मोठा निर्णय!
सुनेत्रा पवार यांच्या कामाचा आढावा घेणाऱ्या राष्ट्रवादी काँग्रेसच्या अजित पवार गटाचा प्रचार रथ बारामतीत फिरू लागला आहे. त्यासाठी गाडीवर फ्लेक्स लावण्यात आले आहेत. त्यात सुनेत्रा पवार यांचा मोठा फोटो लावण्यात आला आहे. त्यात अजित पवार यांच्या फोटोचाही समावेश करण्यात आला आहे. यामुळे याची सगळीकडे चर्चा सुरु झाली आहे.
वृत्तानुसार, काही दिवसांपूर्वी अजित पवार यांचे निकटवर्तीय वीरधवल जगदाळे यांनी सुनेत्रा पवार यांना बारामती लोकसभा मतदारसंघातून उमेदवारी देण्याची मागणी केली होती. त्यांनी प्रदेशाध्यक्ष सुनील तटकरे आणि प्रफुल्ल पटेल यांना याबाबत पत्र लिहिले होते. त्यामुळे सुनेत्रा पवार खरंच लोकसभा निवडणूक लढवणार का? अशा चर्चा राजकीय वर्तुळात सुरु झाल्या आहेत.