Sunil Kedar । नागपूर जिल्हा मध्यवर्ती सहकारी बँकेच्या सुमारे 150 कोटी रुपयांच्या घोटाळ्यात त्यांचे ज्येष्ठ नेते आणि माजी मंत्री सुनील केदार (Sunil Kedar) यांच्यासह पाच जणांना शुक्रवारी दोषी ठरवण्यात आले. दरम्यान, सुनील केदार यांना शासकीय रुग्णालयात रात्री उशिरा दाखल करण्यात आल्याची माहिती समोर आली आहे. तीव्र डोकेदुखी आणि छातीत दुखत असल्याने त्यांना रुग्णालयामध्ये दाखल करण्यात आले आहे.
Congress MLA Sunil Kedar । काँग्रेसला सर्वात मोठा झटका! बड्या नेत्याला ५ वर्षांचा तुरुंगवास
न्यायालयातून सेंट्रल जेलला जाण्यापूर्वी सुनील केदार यांची वैद्यकीय चाचणी करण्यात आली. यावेळी त्यांना डोकेदुखी आणि छातीत दुखत असल्याने अस्वस्थ वाटत होते त्यामुळे केदार यांना रुग्णालयात दाखल करण्यात आले. डॉक्टरांच्या निगराणीत केदार यांच्यावर उपचार सुरू करण्यात आले आहे. त्याचबरोबर इतर आरोपीना जेलमध्ये दाखल करण्यात आले आहे.
Raj-Uddhav Thackeray । एकनाथ शिंदेंचं वाढलं टेन्शन! ठाकरे बंधू पुन्हा एकत्र
काय आहे संपूर्ण प्रकरण?
नागपूर जिल्हा मध्यवर्ती सहकारी बँकेतील (एनडीसीसीबी) निधीचा गैरवापर केल्याप्रकरणी काँग्रेसचे आमदार आणि महाराष्ट्राचे माजी मंत्री सुनील केदार यांना येथील न्यायदंडाधिकारी न्यायालयाने शुक्रवारी पाच वर्षांच्या कारावासाची शिक्षा सुनावली. अतिरिक्त मुख्य न्यायदंडाधिकारी यांनी जे.व्ही.पेखळे-पूरकर 2002 प्रकरणी हा निकाल दिला आहे. केदारला इतर तरतुदींसह भारतीय दंड संहितेच्या कलम 409 (लोकसेवकाने विश्वासाचे गुन्हेगारी उल्लंघन) अंतर्गत दोषी ठरवले. फिर्यादीनुसार, NDCCB ला सरकारी रोख्यांमध्ये 125 कोटी रुपयांचे नुकसान झाले आहे. 2002 मध्ये, गुंतवणूक फर्म होम ट्रेड सिक्युरिटीजद्वारे पैसे गुंतवताना नियमांचे उल्लंघन केले गेले. तेव्हा केदार बँकेचे अध्यक्ष होते.