Uttarkashi Tunnel Rescue । उत्तराखंडमधील उत्तरकाशी येथील बोगद्यात 41 मजूर गेल्या 14 दिवसांपासून अडकले आहेत. कामगारांपर्यंत पोहोचण्यासाठी अमेरिकेतून आणलेले ऑजर मशीनही निकामी झाले आहे. शुक्रवारी रात्रीपर्यंत, ऑगर मशीन चांगले काम करत होते, सुमारे 47 मीटरपर्यंत ड्रिलिंगचे काम पूर्ण झाले होते, परंतु मध्येच ते सोडले. त्याचे अनेक भाग आतून खराब झाले आहेत. (Uttarkashi Tunnel Rescue Live Update)
लेफ्टनंट जनरल सय्यद अता हसनैन यांनी सांगितले की, सरकारकडे उपलब्ध असलेल्या सर्व यंत्रणांकडून मदत घेतली जात आहे. ते म्हणाले की, ऑगर मशीन आतापर्यंत ते चांगले काम करत होते मात्र काही भाग तुटला आहे, तो बाहेर काढण्यासाठी प्रयत्न सुरू आहेत. त्यामुळे अनेक अडचणींना सामोरे जावे लागत असून, हवाई दलाकडून उचलून नवीन कटिंग मशीन पोहोचवण्याचे प्रयत्न सुरू आहेत.
ऑगर मशिनमध्ये बिघाड झाल्यानंतर बचाव पथक आता 47 मीटरनंतर हाताने खोदण्याची तयारी करत आहे. यामध्ये एक किंवा दोन अभियंते पाईपद्वारे आत जातील आणि हात आणि लहान मशीनच्या मदतीने पुढील खोदकाम करतील. अशा स्थितीतही बराच वेळ जाईल. अता हसनैन यांनी म्हटले आहे की, आम्ही आता ज्या पद्धती वापरत आहोत त्यांना वेळ लागेल, त्यामुळे संयम बाळगण्याची गरज आहे. ते म्हणाले की, ऑगर मशीनचा वापर आता हाताने खोदल्यानंतर पाईप ढकलण्यासाठी केला जाईल.