Vasant Chavan Passed Away । ज्येष्ठ काँग्रेस नेते आणि नांदेड लोकसभा मतदारसंघाचे खासदार वसंत चव्हाण यांचे वयाच्या 64 व्या वर्षी निधन झाले आहे. त्यांच्या निधनाने नांदेड जिल्हा आणि काँग्रेस कार्यकर्त्यांमध्ये शोककळा पसरली आहे. वसंत चव्हाण काही दिवसांपासून आजारी होते. त्यांची तब्येत खालावली होती आणि त्यांना श्वास घेण्यास त्रास होत होता. यामुळे त्यांना प्रथम नांदेडच्या रूग्णालयात दाखल करण्यात आले, परंतु प्रकृती गंभीर झाल्याने त्यांना एअर अॅम्ब्युलन्सद्वारे हैदराबादच्या किम्स हॉस्पिटलमध्ये दाखल करण्यात आले.
Accident News । गाईला वाचवण्याच्या नादात शिवशाही बसचा भीषण अपघात, २८ प्रवाशी जखमी तर एकजणाचा मृत्यू
हैदराबादमधील किम्स हॉस्पिटलमध्ये त्यांच्यावर उपचार सुरू होते, पण उपचारादरम्यान त्यांची स्थिती अधिकच गंभीर झाली आणि त्यांनी अखेरचा श्वास घेतला. 13 ऑगस्टपासून त्यांच्यावर उपचार सुरू होते आणि ते उपचारांना सकारात्मक प्रतिसाद देत होते, पण अचानक प्रकृती ढासळली.
Pune crime । पुण्यातुन खळबळजनक बातमी! पोलीस निरीक्षकावरच कोयत्याने हल्ला
वसंत चव्हाण यांनी 2024 च्या लोकसभा निवडणुकीत काँग्रेसकडून नांदेडमध्ये निवडणूक लढवली आणि तत्कालीन खासदार प्रतापराव पाटील चिखलीकर यांना पराभूत केले. अशोक चव्हाण काँग्रेस सोडून भाजपमध्ये गेले होते, त्यामुळे काँग्रेससाठी हा विजय अत्यंत महत्त्वाचा होता.
Jayant Patil । राजकारणातून सर्वात मोठी बातमी! जयंत पाटील भाजपत जाणार? बड्या नेत्याच्या दाव्याने खळबळ
राज्याचे माजी मुख्यमंत्री आणि भाजप नेते अशोक चव्हाण यांनी वसंत चव्हाण यांच्याबद्दल शोक व्यक्त केला. त्यांनी सांगितले की, वसंत चव्हाण यांचे अकाली निधन हा सगळ्यांसाठी धक्का आहे. त्यांनी नांदेड जिल्ह्यासाठी एकत्र काम केले आणि लोकांच्या प्रश्नांसाठी नेहमी लढा दिला. त्यांच्या जाण्यामुळे नांदेड जिल्ह्याचे नुकसान झाले आहे, असे अशोक चव्हाण यांनी सांगितले.
Badlapur Case Update । बदलापूर अत्याचार प्रकरण: एसआयटी चौकशीत धक्कादायक माहिती