मुंबई : वेटलिफ्टर विकास ठाकूरने (Vikas Thakur) 2022 च्या कॉमनवेल्थ गेम्समध्ये रौप्य पदक जिंकले आहे. CWG 2022 मध्ये भारताला वेटलिफ्टिंगमध्ये 8 वे पदक मिळाले. भारताने वेटलिफ्टिंगमध्येही आतापर्यंत 3 सुवर्णपदके जिंकली आहेत.
विकास ठाकूरने 96 किलो गटात स्नॅचमध्ये 155 किलो आणि क्लीन अँड जर्कमध्ये 191 किलो वजन उचलले, जे रौप्यपदक जिंकण्यासाठी पुरेसे होते. पंजाबच्या वेटलिफ्टरने भारतीय क्रिकेटपटू शिखर धवनने लोकप्रिय केलेल्या मांडीला थोपटून पदक जिंकल्याचा आनंद साजरा केला. रौप्य पदकाची खात्री झाल्यानंतर ठाकूरने शेवटच्या प्रयत्नात १९८ किलो वजन उचलण्याचा प्रयत्न केला, जो त्याच्या वैयक्तिक सर्वोत्तम कामगिरीपेक्षा एक किलो अधिक होता. मात्र, हे वजन उचलण्यात तो अपयशी ठरला.
राष्ट्रकुल स्पर्धेतील ठाकूरचे हे दुसरे रौप्यपदक आहे. 2014 च्या ग्लासगो गेम्समध्येही त्याने दुसरे स्थान पटकावले होते तर 2018 मध्ये गोल्ड कोस्ट येथे त्याने कांस्यपदक जिंकले होते. समोआच्या डॉन ओपेलोघेने एकूण 381 किलो (171 किलो आणि 210 किलो) वजन उचलून विक्रमी कामगिरीसह सुवर्णपदक जिंकले आणि 2018 च्या कामगिरीत सुधारणा करत त्याने रौप्य पदक जिंकले.