Washim crime । वाशिम : संपूर्ण महाराष्ट्राला धक्का देणारी घटना घडली आहे. वाशिम (Washim) जिल्ह्यातील मालेगाव तालुक्यातील बोरगाव येथे झेडपी शाळेवर कार्यरत असणारे शिक्षक दिलीप सोनवणे यांना काही अज्ञात इसमांनी रॉडने हल्ला करत पेट्रोल टाकून जिवंत जाळल्याची घटना घडली आहे. त्यामुळे शिक्षण क्षेत्रात एकच खळबळ उडाली आहे. पोलीस आरोपीचा शोध घेत आहेत. (Washim crime news)
मिळालेल्या माहितीनुसार, दिलीप सोनवणे मुळचे रिसोड तालुक्यातील बालखेडचे रहिवासी आहेत. ते बोरगाव येथे प्राथमिक शिक्षक म्हणून कार्यरत होते. मालेगाव-आमखेडा रोडवर कोल्ही गावाजवळ दोन दुचाकीवरून काही अज्ञात इसम आले. त्यांनी त्यांच्यावर रॉडने हल्ला केला आणि त्यांच्यावर पेट्रोल टाकले. (ZP teacher was burnet) त्यानंतर सोनवणे अर्धा तास रस्त्याच्या कडेला तडफडत पडले होते.
त्यांना सुरुवातीला मालेगाव येथील शासकीय रुग्णालयात आणि नंतर वाशिम येथे खाजगी रुग्णालयात उपचारासाठी दाखल केले होते. परंतु त्यांचा उपचारादरम्यान मृत्यू झाला. दरम्यान, हवी हत्या वैयक्तिक वादातून केली असल्याची चर्चा सुरु आहे. या घटनेनंतर संपूर्ण परिसरात भीतीचे वातावरण पसरले आहे. याप्रकरणी अधिक तपास पोलीस करत आहेत.